آه من ليلٍ على جمره سرابي
ناثرٍ حالي شرا حب الحصيد

وش عزا حالي وانا هذا مصابي
من خليلٍ عاث في نفسي يبيد

ياكبر همي ويا لوعة عذابي
دام قلبي صار قبضه من وقيد

في حياتي طالت أيام اغترابي
والشقا مكتوب لي تحت الوريد

في عيوني في منامي في شرابي
مهلكني كل يومٍ له يزيد

ذقت مرٍ جاد لي يوم التوابي
ضيم هجرٍ صد عن وصله عنيد

واعتراني سيل بركان التهابي
لين صب الطرف مصهور الحديد

مات قلبٍ بات لحده في كتابي
مبتسم من جور خلانه شهيد

ياسفير احزان ليلي وانتحابي
العزا ما عاد ياقلبي يفيد

في جنان الخلد يا در الحصابي
وخَـلّ من خلاك يلقاله جديد