اربع وعشرين ساعه أنتظر منه الخَبر
ما وصلني يا جماعه من مطّمن او معين

من بيآخذ لي شفاعه يا عسى حظّه درر
والله أني له بطاعه وكل عمري له رهين

أول (ابقلبي مناعه..الهوى ما ينتصر
آه ضيّعت القناعه الهوى بقلبي مكين

الجلاده والقطاعه..انتهت يومه نظر
بعد عينه بنص ساعه كنني توّي فطين

حلّت (ابقلبي) وداعه زارني كل السهر
طول ليلي لأستماعه أنتظر ظرفه يحين

جند قلبي مع دفاعه انسحب تحت الامر
سلّم الرايه بطاعه ..طايع ٍ كّنه سجين