هـــاتــوا لــثــوب العــيــد لــباس

     

    أبني على رأس النقى ساس
 وأخضر بدمعاتي سيوح


للأجله حبيبي صرت غراس
أزرع بدور الود وتفوح


هاتوا لثوب العيد لباس
العيد با قضيه بالنوح


ما حسني عايش مع الناس
كني الذي ناجي بعد نوح


وش عاد بعد الهجر يا ناس
غير الشقى ومكابد الروح


خلي خلا من كل الأحساس
وأنا بحد الود مذبوح


حد من العرب تنحط ع الراس
وحدمنها تنداس مسموح


أكتم وكتر الكتم وسواس
صرحت له وأصرت مفضوح


أسمي كتبته وسط كراس
وأسمك نقشته داخل الروح


يا صاحبي يا نور الأغلاس
يا راعبي يا مهيج الدوح


لو لا الهوى ما دنق الراس
ولو لا الغلا ما جيتك أنوح


لولا العطش ما يروي الكاس
ولو لا الغرق ما ينفع اللوح

 

 الــعــقــيــدي