ظـــلــم الــحــلــول


.. آآه .. يا ليل الموادع ..
......كم تطــــــــول ..
كنها اللحـظه في ظـلامك
حزن عجول ..
يلبس اقليبي غمامة ..
يمتلي رعد وعواصف
تمطر اعيوني .. دمع .. يقول :
يا حبيبي .. والقلوب اصغار
والحلم توه ما كمل نهار ..
وجيوش الحب مهزومه ..
ترفع الرايه .. بانكــسار ..
" آه .. يا ظلم الحلول "

" آه .. يا ظلم الحلول "
توني ابتديت ..
ليه الفرح عيا يطول .. ؟!!!
جيتك احمل الورده بيديني
واسير لك بالهوى قلبي وعيني
ليه الزهر .. صابه ذبول .. ؟!!!

اوااه ..
يا خيبة العاشق
لي غفت عينه .. بلحظه
عن زمان ما كتب لعيونه .. فرحه
وما سقاه من الهوى .. الا دمعه
يوم صار الهجر مابيننا .. نهر وسيول ..

افتكرت .. يجي بكره .. وانساه
وياخذه هالوقت من قلبي ومني
ولقيت الوقت ياخذني جداه .. ..
ويسافر بي الوهم .. غصب عني
اه منه ومن لقاه ...
يجيني الليل من بعده .. يلوعني ..
يسائلني .. ويعذبني
كيف باع القلب من كان في يوم .. اشتراه ؟
هذا منه .. ما هو بمعقول ..!!!


قلت اسامر القمرا
ابي ارسم اعيونه
على ضيه ..
ابيه ايجيني
ويحيي السهره ..
شفت القمر راحل من سمايه ..
يرتجي اعيون اخرى ..
خاب الامل في عيوني ..
وطويت احلامي .. اواريها بالصدر قبرا ..
" وين القاها عيون تاسع احلامي .. الكبرى " ..؟!!
وآنا احلامي بسماه .. طير يجول ..!!

يا ويلها عيوني
ويا ويل الصبر لو غدا هالجرح .. مكنوني
وويل الآه لو زفرت ..
وما لقت صدر يحتوي نارها
او يحتوي اشجوني ..
ترا احزاني من عقبه ..
عيت تزول ....

انا ..
كل ما اودع بايامي اجروح
يبتدي بداخلي جرح جديد ..
وما بين الجرح والجرح
.. يضيع العمر ..
كم تعبت القى راحتي
تعبت دايم .. انتظر ..
آه .. وينك يا صبر
وينك .. يا صبر ..
من ضيع اطريق الامان
من المسؤول ؟ !!.


" آه .. يا ظلم الحــلول " .. !!!

 

 اشـواق